இனிப்பும் கசக்கும் (சிறுகதை)

இனிப்பும் கசக்கும்

(சிறுகதை)

ஹரி தனது மனைவி மாலதியை அவளது அலுவலகத்தில் இருந்து  அழைத்துக் கொண்டு ஹாஸ்பிட்டல் நோக்கி பயணமானான்  உடல்நிலை சரியில்லாமல் இருக்கும் தன் தாய் பாக்கியத்தை பார்பதற்காக!

என்னங்க பார்வையாளர்கள்  நேரம் எத்தனை மணி வரைக்கும் தெரியுமா?

ஓ! தெரியுமே 4.30PM T0 7.00 PM வரைக்கும்.

சரிங்க! கொஞ்சம் வண்டியை 'சரவண பவன்' பக்கம் நிறுத்துங்க! நாம் காபி சாப்பிட்டுவிட்டு கையோடு மாமிக்கும் ப்ளாஸ்க்கில் காபி வாங்கிட்டு போயிடலாம் என்றாள்.

மாலதியின் காபி ஆர்டர் உடனடியாகவே அப்பீல் இல்லாமலே வாழ்க்கை கெஜட்டில் ஏற்றப் பட்டது.

ஹாஸ்பிட்டல் வாயிலில் வண்டியை பார்க்கிங் செய்துவிட்டு இருவரும்  உள்ளே நுழைந்தனர். 

படுக்கையில் படுத்திருந்த பாக்கியம் தனது மகனையும், மருமகளையும் பார்த்ததும் பரவசம் அடைந்தார். தனது கைகளை கொண்டு ஜாடை காண்பித்து உள்ளே கூப்பிட்டார்!.

தாயின் நலனை விசாரித்தபடியே கையில் கொண்டு வந்த காபியை மனைவியிடம் கொடுத்துவிட்டு அங்கிருக்கும் ரிப்போர்ட்டை படிக்கலானான்.

அப்போது மருமகள் கொடுத்த ஹோட்டல் காபியை ஒரு வாய் குடித்ததும் பாக்கியத்தின் முகம் மாறியது.

இதை உணர்ந்த இருவரும் ஒருவரை ஒருவர் பார்த்துக் கொள்ள சட்டென்று ஞாபகம் வந்தவளாய் தனது ஹான்ட் பேக்கில் இருந்து சர்வர்  மடித்துக் கொடுத்த சர்க்கரை பொட்டலத்தை அவள்  தேடி எடுப்பதற்குள்,

தனது மகனை பார்த்து இப்படி கூறலானார்!

இதோ பாருடா ஹரி!

என்னோட மருமகள்  என் மேல் கொண்டுள்ள பாசத்தை !

காபியில் சர்க்கரை கொஞ்சம் கூட இல்லாமல்  கொடுக்கும் அன்பை ! அக்கறையை !

ஏன் தெரியுமா?.

இனிப்பும்

கசக்கும் வியாதி

சர்க்கரை வியாதி 

அதுதான் எனக்கும் உள்ளதே  என்றாள்!

 

புதுவை வேலு

சர்வதேச நீரிழிவு நோய் தினம்(14/11/2014)