கவிஞர் கண்ணதாசன் நினைவு தினம்(1981)

பைந்தமிழ் பருகிய கண்ணனின் தாசன்

பசுந்தேனி னுமினிய பாடலை படைத்தார்

இதந்தரும் இதயத் தினிய கவிஞர்

என்றும் வாழ்வார் இறவாப் புகழொடு!

ஏசுகாவியம் எழுதிய வாசுவின் தாசன்

மாசில்லாத மாணிக்க கவி யரசரானார்

தத்துப் பிள்ளையாய் வளர்ந்த நல்முத்தையா

தத்துவப் பாடல்களின் வளர்சொத்து அய்யா!

பொன்மொழி சிந்தும் வெண்மதி கவிஞர்

சேரமான் காதலியை சிறப்பித்த கவிஞர்

அர்த்தமுள்ள இந்துமதம் வடித்த கவிஞர்

ஆராதித்து மகிழ்வோம் அன்னைத் தமிழால்!

முத்தமிழே இவர் கவியின் மூலதாரம்

முத்தான கவிதைக்கு இவர்தான் ஆதாரம்

நித்யகவியே! நின்புகழ் என்றும் அழிவதில்லை

சரித்திரத்தில் நின்புகழுக்கு இணையுமில்லை.

புதுவை வேலு