"மாங்கல்ய(ம்) மந்திரம் " (சிறுகதை)

அவசியம் குடும்பத்தோட வந்திடுங்க! என்று அழைத்தவாறே தான் 

கொண்டு வந்த திருமண பத்திரிகையை  தனது நண்பர் சத்யாவுக்கு

வழங்கிவிட்டு மிகவும் மகிழ்ச்சியுடன் வெளியேறினார் தில்லை.

என்னங்க! உங்க நண்பர் வீட்டு திருமணத்துக்கு எல்லா அரசியல்

தலைவர்களும் வருவாங்க இல்ல...

ஆமாம்! இதிலென்னடி உனக்கு சந்தேகம்?

அது வந்துங்க!

என்னடி! வந்து.... போயின்னு! விஷயத்துக்கு வா!

இவ்வளவு சொத்துபத்து எல்லாம் இருந்தும்....

அதுதான் நமக்கு தெரிந்த விஷயமாச்சே?

இதோ பார்! கல்யாண பத்திரிகையை எவ்வளவு சிறப்பாய் இருக்குது?

அது இல்லைங்க! ஒரு நல்ல இடமா அவருக்கு கிடைக்க வில்லை?

ஏன் இதுக்கு என்னடி குறைச்சல்?

குறைச்சல் ஒன்னும் இல்லிங்க!

பின்னே வேறு என்னடி?

ஒரே இரைச்சலாய் இருக்குமில்லையா?

 ஏன் சொல்றேன்னா! 

அரசியல்வாதிகள் மணமக்களை வாழ்த்தி பேசுவார்களே!

அப்படின்னா இரைச்சல்  இருக்கத்தானே செய்யும்!

அப்படி எல்லாம் இருக்காது ஏன்னா?

 

"மாங்கல்யம் தந்துனா ஹேனா மமஜீவன ஹேதுனாம்...

என்று ஐயர் மந்திரம் சொல்லி இந்த கல்யாணம் நிகழும் இடம் 

"கோயில்"  

கோயிலில் அரசியல் கூடாது!

ஏன்? பேசக் கூடாது ?

கோயிலில் பேசினால்?

அதற்கு பெயர்

"மத (ம்) அரசியல்". 

பதிலை கேட்டதும் சத்யாவின் மனைவி,  
அடுப்படியில் இருந்து வரும் சமையல் நெடியைவிட ...
இந்த அரசியல் நெடி கலந்த வார்த்தை மூக்கை துளைக்குது சாமி 'அச் ஹூம்!' என்றவாறே! தும்மியபடியே நகர்ந்தாள்.

(இப்படியும் பெயர் வைத்து சொல்லுவார்களோ சிலர்)

புதுவை வேலு