மசாஜ் மகா ராஜா ( இன்று ஒரு தகவல் )

"தாய்லாந்தில் வித்தியாசமான யானை மசாஜ்"

யானையிடம் காசு கொடுத்து ஆசிர்வாதம் பெற தலையைக் காட்டவே நம்ம ஊரில் பலரும் பயப்படுவார்கள். ஆனால், தாய்லாந்து மக்களின் தைரியத்தை நாம் பாராட்டத்தான் வேண்டும்.
 
அவர்கள் யானையிடம் சாகவாசமாக மசாஜ் செய்து கொள்கிறார்கள் என்றால் நீங்கள் நம்புவீர்களா?

தாய்லாந்தில் வனவிலங்குகள் முகாம் ஒன்று நடைபெற்றது. பொதுவாக வனவிலங்குகளை வைத்து நாம் சர்க்கஸ், வித்தை செய்ய வைப்போம், மிகப்பெரிய யானையை வைத்து ஆசிர்வாதம் செய்ய வைப்போம்.
ஆனால் தாய்லாந்துக்காரர்கள் கொஞ்சம் மாற்றி யோசித்ததில் யானையை வைத்து மசாஜ் செய்ய பிரத்யேக பயிற்சி அளித்துள்ளனர்.

சுமார் 4000 முதல் 5000 எடையுள்ள யானையிடம் உடல் வலிக்கு மசாஜ் செய்து கொள்ள இதயம் பலவீனமானவர்களுக்கு அனுமதி கிடையாது.

 

இந்த மசாஜ் எப்படி செய்யப்படுகிறது என்றால்.?
மசாஜ் செய்து கொள்ள வேண்டியவரை தரையில் படுக்க வைத்து அவர் மீது ஒரு டவல் போடப்படுகிறது. அங்கு யானையை அழைத்து வருகின்றனர். யானையும் அதன் பயிற்சியாளர் சொல்வதற்கு ஏற்ப, தரையில் படுத்திருப்பவருக்கு தனது தும்பிக்கை மற்றும் முன்னங்கால்களால் மெதுவாக அழுத்தி மசாஜ் செய்து விடுகிறது.

இந்த மசாஜ் செய்து கொள்ள உடல் வலி மட்டும் இருந்தால் போதாது. நெஞ்சில் தைரியமும் இருக்க வேண்டும். தைரியமாக படுத்த பிறகு, எழுந்து ஓடவோ, அலறவோக் கூடாது. அப்படி செய்தால் உங்களுக்கு மசாஜ் இல்லை, ....... தான்.

(இந்த கோடிட்ட இடத்தை நீங்கள் எப்படி வேண்டுமானாலும் நிரப்பிக் கொள்ளலாம்)

நண்பர்களே!

இது தியான மசாஜா?  அல்லது மயானத்திற்கு கொண்டு செல்லும் மசாஜா 
என்பதை ஊகிக்கும் பொறுப்பு உங்களுடையது மட்டுமே! 

புதுவை வேலு

நன்றி: தினமணி