சிகரம் தொட்ட சிங்கம் லீ குவான் யூ

 நெஞ்சம் மறப்பதில்லை

 

சிங்கப்பூர் முன்னாள் பிரதமர் மறைந்த  லீ குவான் யூவிற்கு மரியாதை செலுத்தும் வகையில்,  இந்தியா முழுவதும்,  இன்று 29/03/2015 ஆம் தேதி துக்கம் கடைப்பிடிக்கப்படுகின்றது.

குவான் யூவின் இறுதிச் சடங்கு நடைபெறும் நாளான இன்று,

இந்தியா முழுவதும் தேசியக் கொடிகள் அரைக்கம்பத்தில் பறக்கின்றன.  அரசு நிகழ்ச்சிகள் எதுவும் நடைபெற வில்லை. மேலும்,  லீயின் இறுதிச்சடங்கில் பிரதமர் நரேந்திர மோடி, கலந்து கொள்கிறார்.  சிங்கப்பூரை நிர்மானித்தவர் எனப் புகழப்படும் 91 வயதான லீ,  அந்நாட்டு அரசியலில் அரை நூற்றாண்டுக்கும் மேல் ஆதிக்கம் செலுத்தியவர். உடல்நலக்குறைவு காரணமாக கடந்த 23/03/2015 ஆம் தேதி அவர் இறந்தார்.

சிங்கப்பூரை நிர்மானித்தவர் எனப் புகழப்படும் 91 வயதான லீ,  அந்நாட்டு அரசியலில் அரை நூற்றாண்டுக்கும் மேல் ஆதிக்கம் செலுத்தியவர். 

1)       (மகாபலிபுரத்தை சுற்றிப் பார்க்க வந்த லீ க்வான் யூ | நாள்: டிசம்பர் 18 1978- நன்றி: பட உதவி தி இந்து)

லீ குவான் யூ 30 ஆண்டுகள் சிங்கப்பூரின் பிரதமராக இருந்தார். அவர் பிரதமர் ஆவதற்கு முன்பு சிறிய தீவாக இருந்த சிங்கப்பூரை அவர் ஒரு மாபெரும் பொருளாதார, ஜனநாயக நாடாக மாற்றினார். 

சிங்கப்பூர் மக்கள் தொகையில் சீனர்கள் 77 விழுக்காடு,  மலாய் இனத்தவர்கள் 14 விழுக்காடு,  தமிழர்கள் 6 விழுக்காடு இருந்து வருகிறார்கள். 

ஆயினும்,  சிங்கப்பூர் ஆட்சிமொழிகளாக சீனம்,  மலாய், ஆங்கிலம் தமிழ் என்ற வகையில் பிரதமர் லீ குவான் யூ அரசமைப்புச் சட்டத்தை வகுத்தார். 

தமிழுக்கு சிறப்பு சேர்க்கும் வகையில் பேரறிஞர் அண்ணா அவர்களை

வரவேற்றவர்,  தமிழுக்கு மிகவும் மதிப்புத் தந்தவர் லீ குவான் யூ. அவருடைய மறைவுக்கு அஞ்சலி செலுத்த தமிழர்களாகிய நாம் கடமைப்பட்டிருக்கிறோம்.

     ( காமன்வெல்த் பிரதமர்கள் மாநாட்டில் கலந்துகொண்டவர்களுக்கு, லண்டன் பக்கிங்கம் அரண்மனையில் நடந்த விருந்தில் பிரிட்டிஷ் ராணி இரண்டாம் எலிசபெத்துடன் உரையாடும் லீ க்வான் யூ. அருகில் அன்றைய இந்தியப் பிரதமர் இந்திரா காந்தி. | நாள்: ஜனவரி 7, 1969 - நன்றி: பட உதவி தி இந்து) 

மண்ணை விட்டு மறைந்தாலும் மக்கள் மனதை விட்டு அகலாத,

புகழால் பேரின்ப பேரொளியாக ஒளி வீசுவார்
லீ குவான் யூ. 

புதுவை வேலு