"காக்கும் கஜமுகன் கணேசனை நினை!"

முருகனுக்கு மூத்தவனே மூல கணபதியே

மூஞ்சூறு வாகனம் ஏறி வருகின்றாய்!

மூன்றுதமிழ் கேட்டவர்க்கு முகம் மலர்ந்து

மூல மந்திர சொல் தருகின்றாய்

தொந்தி கணபதியே முந்தி வருகின்றாய்

தந்திரத்தால் மாங்கனி பெற்று மகிழ்கின்றாய்

தீமையை அழிப்பாய் தீவனூர் விநாயகா!

திருப்புகழ் பாடுகிறோம் மணக்குள விநாயகா!

துதிப்போர் துன்பம் துடைத்து அருள்வாய்

துதிக்கை  துணையான்  தூய கணேசா!

அதிரசப் பிரியா கொழுக்கட்டை நேசா!

கதியென வந்தோம் காத்தருள் கணேசா!

வெள்ளை தந்தமுடைய வேழ முகத்தோனே

வேதனையை வென்றொழிப்பாய் விக்ன விநாயகனே!

சங்கடம் தீர்ப்பாய் சங்கரன் மகனே

சதுர்த்தியில் அருள்வாய் அம்பிகை ஐங்கரனே!  

புதுவை வேலு

 அனைவருக்கும்
விநாயகர் சதுர்த்தி நல்வாழ்த்துகள்