"அந்த ஒரு நிமிடம்"

உலக தற்கொலை தடுப்பு தினம் (10/09/2015)

அரிது அரிது அரிது அரிதுயிரே !
ஆறறிவு பெரிது பெரிது பெரிதுயிரே !
உயிரை மாய்க்கும் உரிமை உனக்கில்லை
உணர்ந்தால் உனக்கு வானமே எல்லை!


மன அழுத்தம் மரணத்தை துரத்தும்,
மனதின் சுமையை இறக்கி விடு!
இயலாமை ‘இழிவு’க்கு இறுதித் தீயை
இதய நெருப்பில் மூட்டி விடு!


விழிப்புணர்வு விழிகளில்வழிய நிறையட்டும்
தற்கொலை தவறு ! மனதில் மறையட்டும்
'தோல்வி தோணி'யும் அறிவெனும் துடுப்பால்
வாழ்வியல் கரையை கடக்கட்டும்!!!

புதுவை வேலு