"நற்றமிழ் மரபு"

மனதின் எண்ணம் மாண்பை பெறுமே

 குணமது கோயிலை கும்பிட்டு தொழுமே

உயர்நிலை நிலமதில் தமிழ்ப்பயிர் செய்வோர்

 உலகில் தாழா வீழா தலைமகனாவார்.

சூடும் பட்டம் சூதில் வாராது

  தேடும் தமிழால் பெறுதல் பெருமை

கூடி மக்கள் பாடி மகிழ்வோம்

  நாடியே நன்னூல் பெறுவோம்

வணங்கா முடியோர் வாழ்வதும் வீணே

  வஞ்சகம் நெஞ்சில் சூழ்வதும் ஏனோ?

நன்றியின் மரபை நவில்வோர் தானே

  நற்றமிழ் மரபின் புலவராவார்.

புதுவை வேலு