எத்தனை யானைகள்?(கணக்கதிகாரம்)

எத்தனை யானைகள்?

கணக்கதிகாரம்

 

 

தமிழ்க் கணிதம் மிக்க தொன்மை வாய்ந்தது

கணியன் பூங்குன்றனார், கணி மேதாவியார், கணக்கதிகாரம்

பாடிய காரிநாயனார்,

போன்ற பெரும் கணிதவியலார் சங்க காலத்தில் இருந்தது உண்டு!

சங்கத் தமிழ்க் கவிதைகளில், இவர்கள் கணிதம் சம்பந்தமாக எழுதிய பாடல்கள் ஆங்காங்கே வியப்பாக இருக்கும்!

அது போன்ற பாடல்களைத் தேடி உங்களேடு பகிர்ந்து கொள்ளும் ஒரு சிறு முயற்ச்சிதான் இது!

பாடல்:

 

புனம் மூன்றில் மேய்ந்து, வழி ஐந்தில் சென்று,

இனமான ஏழ் குள நீர் உண்டு, கனமான

கா ஒன்பதில் சென்று, காடவர்கோன் பட்டணத்தில்

போவது வாசல் பத்தில் புக்கு

 

பாடியவர்: காரிநாயனார்

பொருள் விளக்கம்:

புனம் மூன்று: வயல்கள் மூன்று

கா ஒன்பது  : சோலைகள் ஒன்பது

காடவர்கோன் பட்டணம்:பல்லவர் தலைவன் ஊர்

அதாவது,

ஒரு காட்டில் நிறைய யானைகள் இருந்தன. அவை வயலில் மேயச் சென்றன.

அங்கே இருந்தவை மூன்று வயல்கள். அவற்றில் இந்த யானைகள் சரிசமமாகப் பிரிந்து சென்று மேய்ந்து பசியாறின.

சாப்பிட்டு முடித்து அந்த யானைகள் வெளியே வந்தவுடன், அங்கே ஐந்து பாதைகள் இருந்தன. அவற்றில் இந்த யானைகள் சரிசமமாகப் பிரிந்து சென்றன.

இந்த ஐந்து பாதைகளும், ஏழு குளங்களைச் சென்றடைந்தன. அங்கேயும் இந்த யானைகள் சரிசமமாகப் பிரிந்து குளித்தன.

அடுத்து, ஒன்பது சோலைகள் இருந்தன. அவற்றிடையேயும் இந்த யானைகள் சரிசமமாகப் பிரிந்து நடந்தன.

நிறைவாக, அவை பல்லவர் தலைவனின் ஊருக்கு வந்தன.

அங்கே இருந்த பத்து வாசல்களின் வழியே மீண்டும் சரிசமமாகப் பிரிந்து உள்ளே நுழைந்தன.

இடைவேளை..

இனி வாசகர்களே நீங்கள் விடை சொல்லும் வேளை:

பாட்டைப் படிச்சாச்சா, இப்போ புதிருக்கு விடை சொல்லுங்க, அங்கே இருந்த யானைகள் மொத்தம் எத்தனை?

விடை : ?????

3 வயல்களில் யானைகள் சரிசமமாகப் பிரிந்து குளித்திருக்கின்றன,

அதேபோல் 5 பாதைகள், 7 குளங்கள், 9 சோலைகள், 10 வாசல்களில்

சரிசமமாகப் பிரிந்திருக்கின்றன.

ஆக, யானைகளின் எண்ணிக்கை 3, 5, 7, 9, 10 ஆகியவற்றால் மீதமின்றி வகுபடக்கூடிய ஓர் எண்ணாக இருக்கவேண்டும்.

இதில் 9 என்பது 3ல் வகுபடும், 10 என்பது 5ல் வகுபடும், ஆகவே, அவற்றைத் தவிர்த்துவிட்டு மீதமிருக்கும் எண்களைப் பெருக்கினால் போதும்

விடை : 630 யானைகள்

7x9x10=630 யானைகள்

630 யானைகள் வகுத்தல் 3 வயல்கள்=210

ஒரு வயலுக்கு 210 யானை வீதம்  மொத்தம் 3 வயலுக்கு=210x3=630 யானைகள்.

ஒரு பாதைக்கு 126 யானைவீதம் மொத்தம் 5 பாதைகளுக்கு =126x5=630 யானைகள்

ஒரு சோலைக்கு 70 யானை வீதம் மொத்தம் 9 சோலைகளுக்கு=70x9=630 யானைகள்.

ஒரு குளத்திற்கு 90 யானை வீதம்  மொத்தம் 7 குளங்களுக்கு =90x7=630

யானைகள்.

ஒரு வாசலுக்கு 63 யானைகள் வீதம் மொத்தம் 10 வாசலுக்கு=63x10 =630 யானைகள்.

உண்மையில், இதுமட்டுமே சரியான விடை அல்ல, 630ன் மடங்குகள் (1260, 1890, 2520…)=630x2,630x3,630x4 எல்லாமே சரியான விடைகள்தான் என்றும் கூறுவர்.

உண்ட மயக்கம் தொண்டனுக்கும் உண்டு என்பர்.

தீபாவளி  பண்டங்களை தின்ற மயக்கம் தீர வேண்டும் அல்லாவா?  அதனால்தான் இந்த எனிமா! முயற்சி!

இது போன்றதொரு இனிய கணிதக் கவிதைகளை இனி எப்பொது காண்போமோ?

புதுவை வேலு