"இனிக்கும் பழ(ம்)மொழிகள்"

"இனிக்கும் பழ மொழிகள்"

தமிழுக்கு விழுக்காடு பெற்றுத் தந்த நூல்களுள் ஒன்று

மூன்றுறை அரையனார் தந்த பழமொழி நானூறு என்னும்

பதிணென் கீழ்க் கணக்கு வகையினை சேர்ந்த நூலினை நாம் அறிவோம்!

அறிவின் ஆற்றலை செம்மை படுத்தி நினைவில் நிற்க செய்யும் தகுதி தமிழ் தந்த பழமொழிகளுக்கு உண்டு.

அந்த வகையில் மூன்றுறை அரையனாரை முன்னுதாரணமாக கொண்டு

பழக்க வழக்கத்தில், புழக்கத்தில் உள்ள சில பழமொழிகளை !

இப்போது நாம் பார்ப்போமே!

செம்மொழியாம் நம் தமிழ் மொழியின் உயிராக நிற்கும் எழுத்துக்களை... அதாவது,

உயிர் எழுத்துக்களை முதல் எழுத்தாக கொண்டு ஆரம்பிக்கும் பழமொழிகளில் சில உங்களின் பார்வைக்காக இதோ!  அவைகள்!

அறிவுக்கு முன் செல்லும் நாக்கு, அதை உடையவன் மக்கு. 

அன்பு இருந்தால் ஆகாததும் ஆகும்

அருமை இல்லாதவன் வீட்டில் எருமையும் குடி இருக்காது

அடாது தடை வரினும் விடாது முன்னேறு

 

ஆகும் காலம் ஆகும், போகும் காலம் போகும்.

ஆழமற்ற அறிவு சாரமற்று நகைக்கும்

ஆழமான நீரும் அமைதியான நாயும் ஆபத்து

ஆற்றைக் கடக்கும் வரை அண்ணன் தம்பி, ஆற்றைக் கடந்தபின் நீ யாரோ? நான் யாரோ?

இல்லையென்ற உண்மை நாளையென்ற பொய்யைவிட மேல்

இறைத்த கேணி ஊறும்; இறையாத கேணி நாறும்.

இடம் வலம் தெரியாதவனோடு இணக்கம் பின்னால் ஆகாது.

இரண்டு தப்புகள் ஒரு ஒப்பு ஆகாது

ஈயத்தைப் பார்த்து இளித்ததாம் பித்தளை

ஈக்கு விஷம் தலையில், தேளுக்கு விஷம் கொடுக்கில்.

ஈட்டி எட்டும் மட்டும் பாயும்; பணம் பாதாளம் வரை பாயும்.

ஈர நாவுக்கு எலும்பு இல்லை

உள்ளதைச் சொன்னால் உடம்பெல்லாம் புண்

உருட்டும் புரட்டும் ஒடுக்கும் சிறப்பை.

உச்சனை உச்சன் பார்த்தால் மச்சு வீடும் குச்சு வீடாகும்

உளவு இல்லாமல் களவு இல்லை.

ஊருக்கெல்லாம் சாஸ்திரம் சொல்லும் பல்லி கூழிலே விழுந்ததாம்

ஊரார் நாய்க்குச் சோறிட்டாலும் அது உடையவன் வீட்டில்தானே குரைக்கும்?

ஊழி பெயரினும் ஊக்கமது கைவிடேல்

ஊன்றக்கொடுத்த தடி என் உச்சியை உடைக்கிறது

 

எத்தால் வாழலாம்? ஒத்தால் வாழலாம்!

எல்லாம் அறிந்தவனும் இல்லை, எதுவுமே அறியாதவனும் இல்லை.

எழுதுகிறது பெரிதல்ல, இன்னும் அறிந்து சேர்க்கிறது பெரிது

எடுப்பாரும் பிடிப்பாரும் உண்டானால் இளைப்பும் தவிப்பும் மெத்த உண்டு.

ஏறச்சொன்னால் எருதுக்குக் கோபம், இறங்கச்சொன்னால்  நொண்டிக்குக் கோபம்.

ஏவுகின்றவனுக்கு வாய்ச்சொல், செய்கின்றவனுக்கு தலைச் சுமை.

 

ஏடு அறியாதவன் பீடு பெறாதவன்

ஏறவிட்டு ஏணியை வாங்கினது போல

 

 

ஐந்தில் வளையாதது ஐம்பதில் வளையுமா?   

ஐந்து வரைதான் அண்ணன் தம்பி; பத்து வயதில் பங்களி.

ஐயர் வரும் வரை அமாவாசை காத்திருக்குமா?  

ஐயோ என்றாலும் ஆறு மாதம் பாவம் பிடிக்கும்

ஒட்டைக்கூத்தன் பாட்டைக் கேட்டு இரட்டை தாழ்பாள் போட்டது போல.

ஒடிந்த கோல் ஆனாலும் ஊன்றுகோல் ஆகும்

ஒள்ளியர் தெள்ளியர் ஆயினும் ஊழ்வினை மெல்ல நுழைந்து விடும்

ஒளி இல்லாவிட்டால் இருள்; இருள் இல்லாவிட்டால் ஒளி.

ஓட்டைக் கப்பலுக்கு ஒம்போது மாலுமி

ஓட்டைச் சட்டியானாலும் கொழுக்கட்டை வெந்தால் சரி

ஓட்டை பானையிலும் சர்க்கரை இருக்கும்.

ஓட்டை மணியானாலும் ஓசை நீங்குமா? 

 

ஔவை சொல்லுக்கு அச்சம் இல்லை

புதுவை வேலு

நன்றி: (பட உதவி கூகுள்/AND-பழமொழிகள்)