"தமிழுக்கும் அமுதென்று பேர்"....

புரட்சிக் கவிஞர் பாவேந்தர் பாரதிதாசன் பிறந்த தினம்(1891)

உயிருக்கு நேராய் உயர் தமிழை

உயரத்தில் வைத்த உயர் கவியே

அமுத தமிழை அகத்தில் நிறைத்து

குமுதமாய் பூத்த 'புதுவை'கவியே!

அழகின் சிரிப்பை மாலை தொடுத்து

பைந்தமிழ் பாண்டியன் பரிசு படைத்து

குடும்ப விளக்கொளி திக்கெட்டும் பரவ

குன்றாப் புகழொடு தமிழ்-நீ வாழி!

 

செந்தமிழ் சேவை தினம் புரிந்து
சுந்தரத் தமிழ் நல்பாட்டி சைத்து!
மந்திரக் கவியால் பாரதியுள் புகுந்தார்
எந்தை சுப்புரத்தினம் புகழ் வாழி!

புதுவை வேலு

                 நன்றி: You Tube

புரட்சிக் கவியின் புகழ் பூக்களில் சில!

பொதுவுடமை

“ஓடப்பராயிருக்கும் ஏழையப்பர்

உதையப்பர் ஆகிவிட்டால்

ஓர் நொடிக்குள்...

ஓடப்பர் உயரப்பர் எல்லாம் மாறி

ஒப்பப்பர் ஆய்விடுவார் உணரப்பா நீ!”

சமுதாயச் சீர்திருத்தம்

“பெண்ணடிமை தீருமட்டும் பேசும் திருநாட்டு

மண்ணடிமை தீர்ந்துவருதல் முயற்கொம்பே”

கூண்டுக் கிளி கவிதை

“அக்கா அக்கா என்றாய் !

 அக்கா வந்து கொடுக்க

 சுக்கா, மிளகா ?

 சுதந்திரம் கிளியே”

சமூக நீதி

சாதி ஒழித்தல் ஒன்று !

நல்ல தமிழ்வளர்த்தல் மற்றொன்று

பாதியைநாடு மறந்தால்- மற்ற

பாதி துலங்குவது இல்லை !