"உள்ளம் உருகுதய்யா!"

                                                                               உள்ளம் உருகுதய்யா!

 தாயிற் சிறந்த கோயிலும் இல்லை
 தந்தை சொல்மிக்க மந்திரம் இல்லை

ஒவ்வொரு தாய் தந்தையருக்கும் அவர்களது உலகம் எது என்றால்?

அது! அவர்கள் பெற்றெடுத்த பிள்ளைகள் என்பதுதான் நிதர்சன உண்மை!

தாயின் சிறப்பை சொல்ல எண்ணிலடங்காத கதைகளும், பாடல்களும் பார் முழுவதும் பரவி இருப்பதை நாம் அறிவோம். ஆனால், தந்தையின் சிறப்பு என்றால்?

பூவோடு (தாய்) சேர்ந்த நாராகவே, அவர்களும், மணம் பெறுகிறார்கள் என்பதுதான் உண்மை!

தங்களது பிள்ளைகளுக்கு மழலை பருவத்தில், பல்வேறு அறிவு சார்ந்த செய்திகளை போதிக்கும்போது, பெற்றோர், கடைபிடித்த பொறுமையை, பிள்ளைகள் வளர்ந்து பெரியவர்கள்  ஆனதும் கடைபிடிப்பது என்பது குதிரைக் கொம்பாய் தெரிகிறது. 

மேலும் பெற்றோர்களின் பேச்சை "மணிரத்னம்" படத்தின் வசனத்தை போன்று ஒரிரு வார்த்தைகளுக்கு மேல் செல்வதை, பிள்ளைகளின் மனம் என்னும் 'சென்சார் போர்டு' இப்போதெல்லாம் அனுமதிப்பதில்லை.

இத்தகைய இன்றைய சூழ்நிலையில், வயதான காலத்தில், பெரியவர்களுக்கு,

எத்தைகைய மரியாதை நாம் தர வேண்டும்!

எப்படி நாம் தர வேண்டும்! 

என்பதை விளக்கும் ஒரு உணர்ச்சிப்பூர்வமான 'யூ டியூப்'  காணொளியை உங்களோடு பகிர்வதில் மகிழ்வு கொள்கிறேன். கருத்தினை  கண்டு கருத்தினை பகருங்கள்!

நன்றி!

                           

புதுவை வேலு