"பொங்கலோ பொங்கல்"

உள்ளத்தில் உவகை ஊற்றெடுக்க
தெள்ளமுது தேன் தமிழை வார்த்தெடுக்க
வேங்கடவன் சொர்க்க வாசல் நடை திறக்க
வெல்லம்போல் இனிக்கட்டும் தைப் பொங்கல்
செங்கரும்பு சுவையூறும், செந்தமிழ் பொங்கல்!

"பொங்கலோ பொங்கல்"

அகிலத்தை ஆளும் அன்பு பொங்கல்
அறியாமை அகற்றும் கல்விப் பொங்கல்
ஆற்றலை வளர்க்கும் அறிவுப் பொங்கல்
ஆதித்யனை வணங்கும் நன்றி பொங்கல்

இதயம் இசைக்கும் இலக்கியப் பொங்கல்
ஈன்றவள் ஆசியினை பேணும் பொங்கல்,
உழவின் உயர்வை பேசும் பொங்கல்
ஊற்றாய் சுரக்கும் தமிழுணர்வுப் பொங்கல்


எங்கும் தேமதுரத் தமிழோசை...
இசைக்கும் பொங்கல்,
ஏறுதழுவோர் சிறப்பை பறைசாற்றும் பொங்கல்
ஐந்திணை வாழ்த்தும் பைந்தமிழ் பொங்கல்!

ஒன்றே குலம் என்றே சொல்லும் பொங்கல்
ஓங்கும் நலம் வாழ வாழ்த்தும் பொங்கல்!

ஔவைத் தமிழ் போல் வாழும் பொங்கல்
அஃது வரமாய் கிடைக்கும் பொங்கல்

-புதுவை வேலு

நட்பு உள்ளங்கள்  யாவருக்கும்,
இனிய பொங்கல் நல்வாழ்த்துகள்
 புதுவை வேலு