"மெட்ரோ" ரயில்

அரசியல் மேடையில் ஓடி வருது
அவரவர் உரிமை தேடி வருது
பயணக் காட்சி படமாய் தெரியுது
பாமரன் ஓட்டு மனதில் நினையுது!

கோயம்பேடு வருது என்பார் - அது
ஆலந்தூரில் வந்து நிற்கும் என்பார்!
பத்து மைல் தூரம் பயணம் என்பார்
நாற்பது ரூபாய் சீட்டு என்பார்!

தொலை நோக்கு பார்வை வேண்டும்
தொலைத்தூரம் நாம் போக வேண்டும்
மக்கள் நிலை மனதில் வேண்டும்
மகத்தான ஆட்சியே நமக்கு வேண்டும்!

புதுவை வேலு