அன்னையே உன்னை ஆராதிக்கிறேன்

ஐயிரண்டு திங்களிலே அன்னை யவள்

மையிரண்டு முகமுடைய யுன்னை

ஓங்கிய ஓசை  யொளித்து ஈன்றெடுப்பாள்

பாலூற்றை பண்புடனே பகிர்ந்தளிப்பாள்

குழிவிழுந்த குங்குமச் சிமிழுன் கன்னத்தில்

முத்தமழை மும்மாரி பொழிந்திடுவாள்

அன்பின் அணைகட்டி அழகின் சிரிப்புடனே

அதில் சென்று நீந்திடுவாள்

எண்ணிரண்டு பதினாறு அகவைநீ! காணும்வரை

தன்னிரண்டு விழிகளை பதித்திடுவாள்

நல்லோர் நவின்றுறைத்த நற்கல்வி உனக்களித்து

உலக நலம் மேம்படவே செய்திடுவாள்

தன் நலம் பேணாத தாயவளை தூயவளாய்

பொன் உலகில் இனங்காண

அவள்தாழ் போற்றிப் பணிந்திடுக!

அன்னையை ஆராதனை செய்திடுக!

புதுவை வேலு